Амыр Хоюгбан


Тывызыксыг Килиманджаро

Саваннада баобабтыг,
Шалбаазында крокодилдиг,
Сыын-Чүрээ ыдык тей дег
Шыпшык даглыг Африка.

Кожумаа:
Ии-дадай, ышкамын аа?
Изиг оран Африка,
Тыва кижи бажын тепкен
Тывызыксыг Килиманджаро.

Мыйыс-думчук, узун-думчук
Мырыңай бо оъттап чоруур.
Сарбашкын деп кижи-бүрүс
Салаадан кээп мендилээр.

Кожумаа:

Дыргак кирбес дыгый үнген
Дыдырарган дүктүг баштыг,
Хөөлеп каан дег кара кештиг
Хөктүг чоннуг Африка.

Кожумаа: