Томас МОНГУШ
Кертик-оолду алгаалыңар.
Сөзү Амыр ХОЮГБАННЫЫ
Ындынналдыр бадыргылаар
Ыраажывыс Кара-кыстың
Сөглеттинмээн ынакшылын,
Чөгел төткен бодалдарын
Арат чонга алдаржыдып,
Аялгалаан Кертик-оолду.
Кожумаа:
Эжинге эргелиг — эрестиг!
Чонунга чоргаарал — соруктуг!
Аялгалаан! Кертик-оолду!
Аянчок-ла шүлүктерни
Александр Даржай бижиир.
Кедергей-даа ыры кылдыр
Кертик-оолу хуулдуруптар.
Шүлүк-сөстүң чурталгазын
Чүглендирген Кертик-оолду.
Кожумаа:
Эжинге эргелиг — эрестиг!
Чонунга чоргаарал — соруктуг!
Чүглендирген! Кертик-оолду!
Чалыы назын, хөгжүм-ырдан
Чарылбастаан Кертик-оолду.
Саяннарның , Мартый-оолдуң
Үдекчизи Кертик-оолду.
Келген чонун хей-аът киирген
Кертик-оолду алгаалыңар.
Кожумаа:
Эжинге эргелиг — эрестиг!
Чонунга чоргаарал — соруктуг!
Кертик-оолду! Алгаалыңар!